Tolosaldea Tour Turismo Ofizina

30 bat udalerrik osatzen dute Tolosaldea, Aralar Parke Naturalaren eta Ernio mendiaren artean dagoen eskualdea. Horien guztien inguruko informazio ugari eskaintzen du Tolosaldea Tour bulegoak: ostatuak, jatetxeak, aisialdi jarduera garrantzitsuenak, natura ingurunea ezagutzeko ibilbideak…

Aparteko aipamena merezi dute bisitaldi gidatuek. Besteak beste, Gorrotxategi Gozogintza Museoa, Larraulgo Museo Etnografikoa edo ondare-multzo izendatu zuten Tolosako hirigune historikoa ikusiko dituzte bisitariek. Gainera, ezin ahaztu dezakegu frutagintzaren inguruan Naera-Haundin antolatzen den bisita.

Hori gutxi balitz, bisitariek Tolosaldearekin harremana duten produktuak eskuratu ahal izango dituzte: liburuak, CDak eta DVDak.

Urte osoan zehar irekita egoten da Tolosaldea Tour. Euskaraz, gaztelaniaz, ingelesez, frantsesez eta errusieraz ematen ditu zerbitzuak.

Beharbada interesatuko zaizu...