Haurrek jolas egiteko eta ikasteko tailer bat
Osteguna, 2010(e)ko abendua(r)en 09-(e)an 16:10etan

Gabonetako oporrekin bat etorrita, Topic zentroak tailer bat antolatu du haurrentzat. Dagoeneko zabalik da izena emateko epea.

Topic zentroak haurrentzako zenbait ekintza antolatu ditu, jolas egiteko eta ikasteko aukera izan dezaten, aldi berean. Lehen ekintza abenduaren 27tik 30era bitartean izango da, goizeko hamarretan hasi eta ordu bata arteko ordutegian; ‘Txotxongiloen telebista saioa' izeneko tailerra da, eta txotxongilo bidez telebista saioa egiten ikasiko dute haurrek bertan. Gustukoak dituzten saioak eredu hartuta, hala nola 'Barrio Sésamo' eta 'Los Lunnis', saio horiek nola egiten diren ikasiko dute. 'Barrio Topic -Topic Auzoa' izango da.

Txotxongiloak eraikitzeko lau saio erabiliko dituzte (panpina soilak izango dira, ahoaz eta begiez hornituak), eta pertsonaia horiek erabilita, albiste saioa eta erreportajeak aurkeztuko dituzte kazetariek. Gidoia ere haurrek asmatuko dute, inprobisazioan oinarrituta. Tailer hau 6 urtetik gorako haurrentzat prestatuta dago bereziki, eta euskaraz nahiz gaztelaniaz egin daiteke. Izena emateko epea zabalik da jada; izena emateko, deitu 943650414 telefono zenbakira, edo jo Topic zentroaren bulegora, Tolosako Euskal Herria plazara. 25 euroko prezioa du.


 
Amaitu da Titirijai 2010, hamaika mila ikusle baino gehiagoren bisita jasota
Astelehena, 2010(e)ko abendua(r)en 06-(e)an 10:59etan

Datorren urtean Suitzako txotxongiloei arreta berezia emango die Tolosako Txotxongilo Jaialdiak

Atzo amaitu zen Titirijai 2010, bederatzi eguneko ekitaldia osatuta, eta dagoeneko datorren urteari begira jarri da; hain zuzen ere, jada jakinarazi dute Suitza izango dela datorren urteko gonbidatu berezia. Aurtengoan, hogeita zortzigarren ekitaldian, 56 emanaldi izan dira ikusgai Tolosako aretoetan, eta beste 24 zirkuituan, Jaialdiko ikuskizun batzuk beste herri batzuetara eramateko xedeari jarraituz..

Tolosako emanaldi guztiak kontuan hartuta, hamaika mila ikusle baino gehiago elkartu ditu ekimenak; hau da, kultura ekitaldietan kalte handiak eragiten ari den krisi ekonomikoaren aurreko azken ekitalditzat hartzen den 2008ko jaialdian baino bi mila inguru gutxiago. Nolanahi ere, emanaldiko batez besteko ikusle kopuruak nabarmen egin du gora; izan ere, Tolosan 21 emanaldi gutxiago egin dira, 2008an baino. Bestalde, Aranburu jauregian Japoniako txotxongiloei buruz antolatutako erakusketak 10.000 bisitari izan ditu orain arte, eta abenduaren 7ra arte zabalik izango ditu ateak.

Tolosako Nazioarteko Txotxongilo Jaialdiaren emaitza artistikoari dagokionez, oso positiboa izan dela nabarmendu du Miguel Arrechek, Idoya Otaeguirekin batera Titirijairen zuzendarikide denak. Haren aburuz, “jaialdi interesgarria izan da: ikuskizun batzuk oso gustukoak izan dituzte ikusleek; beste batzuek, berriz, polemika sortu dute, eta interesgarria da hori jaialdi batentzat”. Izan da, nolanahi ere, Arrechek “etsigarri” jo dituen zenbait gauza ere. “Japoniatik etorritako ikuskizun garaikideak –dio–, Mendebaldearen eragin nabarmenekoak, Disneylandiaren kutsukoak. Aldiz, Japoniako txotxongilo klasikoen obrek lilura eragin diete bai profesionalei bai ikusleei».

Gehiago irakurri...
 
Txotxongiloak ikusteko zubi aproposa, Topic zentroan
Astelehena, 2010(e)ko abendua(r)en 06-(e)an 10:36etan

Gaurtik (astelehena) asteazkenera arte, Titirijaiko hiru ikuskizun nabarmen ikusteko aukera izango da


Aurreko igandean amaitu zen Titirijai, baina Tolosan txotxongiloak dira oraindik protagonista; hain zuzen ere, gaurtik hasi (astelehena) eta asteazkenera bitartean, hiru txotxongilo ikuskizun eskainiko dituzte Frantzia, Italia eta Argentinako beste hainbeste taldek. Hiru ikuskizunek Tolosako Nazioarteko Txotxongilo Jaialdian parte hartu dute. Emanaldiak arratsaldeko seietan izango dira.

Frantziako Le Lutin Théâtre d’Images taldeak (argazkian) emango dio hasiera abenduko zubirako antolatutako egitarau laburrari. ‘Ostertzeko lerroa(k)’ da beren obraren izena, eta Titiraji jaialdian estreinatu dute, Topic zentroarekin lankidetzan. Taldeko kide Stéphanie Chirronek dioenez, “ikuskizun honen oinarrian paper gainean eta idazketaren gainean lan egiteko asmoa dago. Zehatzago, marrazkitik idazketarako aldaketa lantzeko asmoa. Pertsonaia batek bere idazmahaiaren intimitatean bizi duen historia kontatzen du, pertsonaiak bere irudimenari nola hegan egiten uzten dion. Marrazkiaren funtsari buruzko ibilbide bat osatzen du, ostertzeko lerro batetik hasita, hari batetik hasita. Eta, pixkanaka, bizitza hartzen du bere barnetik ateratako irudizko pertsonaietan”.

Gehiago irakurri...
 
2010-2011 Eskola Kanpainia
Osteguna, 2010(e)ko urria(r)en 07-(e)an 14:41etan



                                              Zatoz txotxongiloen etxea ezagutzera!

















Tolosako Topic-a majiaz beteriko etxea dugu, hezkuntza proiektu dibertigarri eta erakargarriez betea eta ikasleen garapena, jolas, metafora eta benetazko sormen prozesuetatik jorratuz, Guztiontzat dago lekua etxe honetan, bai zuen kabuz bisitan etorri nahi duzuenontzat,  baita gurekin  txotxongiloen mundu zoragarrian barrena sakonkiago bidaiatu nahi duzuenontzat, eskola kanpainian barne aukera batetan parte hartuz.


Gehiago irakurri...
 





 

Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.