XAKE Produkzioak konpainia Topic-ek eskaintzen duen Sormen Egonaldi batean parte hartzen ari da
Ostirala, 2018(e)ko apirila(r)en 27-(e)an 11:37etan

Antzezlana maiatzaren 4an egingo da estreineko aldiz Topic-eko antzokian, 20:30etan

Duela hilabete pare batetik hona, Topic-en sormen egonaldi bat izaten ari da. Oraingo honetan, Donostia Antzerki Saria jaso berri duen Xake Produkzioak konpainia ari da, "Lur" izenburua eramango duen lan berrian murgilduta.

Kepa Errastik idatzia eta Getari Etxegarairen zuzendaritzapean, "Lur" antzezlanak Aneren istorioa kontatzen digu, aluarekin jaio den mutil baten istorioa da eta baldintza honek bere inguruan sortzen dituen gatazka sozialak kontatzen dizkigu. Anek ordea ez du barne gatazkarik bere gorputzarekin harmonian bizi delako.

Talde artistikoa Erika Olaizola, Mikel Laskurain, Kepa Errasti eta Nerea Gorritik osatzen dute. Antzezlanak 60 minutuko iraupena izango du eta maiatzaren 4an egingo da estreineko aldiz Topic-eko antzokian, 20:30etan.
 
La Maquiné konpainiak "La Semilla" ikuskizuna aurkeztuko du
Asteartea, 2018(e)ko apirila(r)en 17-(e)an 18:44etan

Larunbat honetan, 18:30etan Topic-en


“Bazen behin hazi bat. Bere barnean ixiltasuna besterik ez zegoen. Denbora luzez lo egon zen, baina egun batean haundi egitearen beharra sentitu zuen, orduan bera inguratzen zuen oskola hautsi eta bere barnetik haur neskatila bat sortu zen”.

Ikuskizunak hazi berezi baten istorioa kontatzen digu, zurbeltz batetik jaiotako neskatila batena. Kio izeneko basozain batek Bruto bere txakurrarekin abioneta batean bidaiatzen du, hazia zainduz, baina basoko izakirik ez da gizakiaren mehatxutik kanpo geratzen: zuhaitzen mozketa neurrigabea, hondakin kutsatzaileak eta sortutako zakarretatik esaterako.

Egun batean, makal bat sortu zen bere alboan eta pixkanaka-pixkanaka lagun onak egin ziren. Denbora pasa zen eta basoa bisitatu zuten pertsona batzuk ikaragarrizko sua eragin zuten. Neskatila bakarrik geratu zen, bere lagun makalik gabe. Orain haziak bilatu beharko ditu basoberritzeko, bere laguna berreskuratzeko itxaropenarekin.

IKUSLEGOA: 7 urtetik aurrera
HIZKUNTZA: Gaztelera
IRAUPENA: 50’

Ikuskizun honek Haurrentzako eta Familientzako Ikuskizun Onenaren Andaluziar Antzerkigintzaren Lorca Saria jaso berri du 

 
OHARRA
Ostirala, 2018(e)ko apirila(r)en 13-(e)an 11:48etan


ITZAL ZAUNKA kontzertua Leidor antzokian egingo da

 

Euritearen ondorioz Topic antzokian izan den uholdea dela eta, gaur 20:30tarako Topic-en programatua zegoen ITZAL ZAUNKA kontzertu irudikatua Leidor Antzokian egingo da. Topic-en Dagoeneko eskuratu izan diren sarrerak baliagarriak izango dira Leidor antzokian. Topic-eko leihatila zabalik egongo da, Leidorren ikuskizuna hasi arte, edozein zalantza argitzeko.    
 
TOPICeko argazki lehiaketan parte hartzeko epea ireki da
Asteazkena, 2018(e)ko apirila(r)en 11-(e)an 00:00etan

Argazkiak maiatzaren 14arte aurkeztu daitezke

2018ko Museoen Nazioarteko Eguna dela eta, Topic-ek argazki lehiaketa bat antolatu du txotxongiloak, museoa edota argazkilaritza orokorrean maite dutenentzat.


Bakarka, lagun artean edota familian, parte hartzaileak gonbidatuta daude TOPICi buruzko argazkiak ateratzera: museoaren barruan, Zentroaren plano orokorrak, txotxongilo zehatz batzuk. Tolosako epaimahai profesional batek aukeratuko ditu argazkiak. Hiru kategoria ezberdin egongo dira, parte hartzaileen adinaren arabera: 6tik 12 urte bitarte (haur kategoria), 13tik 18 urte bitarte (gazteen kategoria) eta 18tik aurrera (helduen kategoria).

Gehiago irakurri...
 










Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.