Otsoen istorioak
Larunbata, 2011(e)ko otsaila(r)en 19-(e)an 01:16etan

'Casadelobos' muntaia Joan Baixasek sortua da, eta Topic zentroan aurkeztuko dute martxoaren 12an


Ipuinetan eta mitologietan orotariko otsoak agertzen dira: oihanean haurrak jasotzen dituztenak, artaldeei erasotzen dietenak, piztia izugarri bihurtutako ardiak, eta Ilargiari kantaten diotenak. Otsoak, ardiak, txakurrak eta pertsonak elkarrengandik bereizi ezinezko pertsonaiak dira; denen artean, sinboloz eta iradokizunez beteriko arabesko bat osatzen dute, Elias Canettiren, Nazim Hikmeten eta elezahar tradizionaletatik hartutako testuak elkarri josiz osatutako ipuin batean.

Madrelobak bere istorioa kontatuko digu, hotsen eta mugimenduen bidez, haizearen eta uraren, animalien eta pertsonen ahotsak entzunez, denboran barrena bidaiatzen den aztia bezala, irribarrez eta luma hankez. Arratsalde lasai bat, Montnegreko basoan; halako batean, udako ekaitza lehertu da, sua. Jaioberri baten oihuak entzunda, otseme-ardia hurbildu egin da, eta…


Gehiago irakurri...
 
Topic, Alhóndiga Bilbaoko erakusketan
Osteguna, 2011(e)ko otsaila(r)en 24-(e)an 00:44etan

Protagonista izan zen, Shanghaiko Erakusketa Unibertsalean Bilboren ordezkari izandako argi eskulturarekin batera

Aurreko astean, Tolosako Topic zentroak bereganatu zuen protagonismoa AlhóndigaBilbaon, Shanghaiko Erakusketa Unibertsalean (World Expo 2010) Bilboren ordezkari izandako argi eskulturarekin batera. Ekitaldian parte hartu zuten, Bilboko alkate Iñaki Azkunaz gainera, José Luis Bilbao ahaldun nagusiak, Kulturako sailburu Blanca Urgellek, Tolosako alkate Jokin Bildarratzek, Topic zentroko zuzendarikide Idoya Oteguik eta Tolosako Ekinbide Etxeko lehendakari ¡Ana Arrechek besteak beste.

Shanghaiko Erakusketan Bilboren ordezkari izan zen standa maiatzaren 1era arte egongo da zabalik ardo biltegi zaharrean, Topic zentroko txotxongiloak lagun dituela; espazio berean ikusgai egongo dira txinatar artisten lanak eta Walter Benjamin filosofoaren atzera begirako erakusketa bat, 'Trans/Formazioak' izenekoa.


Gehiago irakurri...
 
Lehendakariak Topic bisitatu du
Larunbata, 2011(e)ko otsaila(r)en 12-(e)an 12:40etan

Lehendakariak Tolosa bisitatu du herriaren eboluzioa eta etorkizunerako proiektuak ezagutzeko

Lehendakariak Tolosa bisitatu du, bertako errealitatea ezagutzeko xedez,“nolako bilakaera izan duen, nola eboluzionatzen duen gaur eta etorkizunerako proiektuak zein diren” jakiteko. Etxebizitzak birgaitzearen garrantzia, eskualdearen erakargarritasun turistikoa eta beraren enpresa-indarra izan dira bisitaren ardatzak.

Tolosaldeak duen erakargarritasun turistikoa -gastronomiak eta TOPIC txotxongiloen zentroak bultzatuta-, industriaren eta enpresen traktore bezala duen indarra eta etxebizitzak birgaitzearen aldeko apustuaren beharra izan dira Lehendakariak Jokin Bildarratzekin jorratu dituen arloak, Tolosan egindako bisitan.

Lehendakariak bisita trinkoa egin du Tolosan: egunaren lehenengo orduan, Tolosara iritsi da eta hor Jokin Bildarratz herriko alkateak harrera egin dio. Harrera ofizialaren ostean, instituzioen ordezkariek Tolosako alde zaharra zeharkatu dute TOPIC txotxongiloen zentro integralera joateko; Lehendakariaren esanetan, zentro hori “singularra eta bakarra da Europan, nazioarteko erreferentea izateaz batera, zeren Tolosa eta beraren eskualdea munduko mapan kokatzen baitu”; horren harira, Lehendakariak azpimarratu du TOPICek familien turismorako duen erakargarritasuna; izan ere, zentroa bisitatu ondoren, Tolosatik jarrai dezakete beren ibilbidea eta eskualdeko gastronomia onaz gozatu.

 
Taun Taunek bizitzaren metafora dakar ‘Batuta’ ikuskizunean
Igandea, 2011(e)ko urtarrila(r)en 30-(e)an 12:21etan

Gipuzkoako taldeak musika lan klasikoetan oinarrituriko obra bat aurkeztuko du Topic zetroan, otsailaren 12an

"Bizitzari buruzko metafora da, eta, bizitza orotan gertatzen den bezala, geltokiak ditu, eta bidaiak, eta maleta bat, oroitzapenak eta bizipenak gordetzen dituena”, azaldu du Itsaso Azkaratek, Karlos Odriozolarekin eta Iñaki Matarekin batera muntaia honetako antzezle-txotxongilolarien hirukoteko kide denak.

 'Batuta' lanak ibilbide musikal oparoa eskaintzen du;  izan ere, Bach, Mozart, Khachaturian, Haendel eta Tchaikovski musikagile klasikoen doinuez gozatzeko aukera dago, baina baita beste musika batzuez gozatzekoa ere: Azkaratek esan bezala, "dagoeneko badaude haurrei ezagunak egingo zaizkien klasikoak beste musika estilo batzuetan ere, hala nola pop eta rock musiketan, Elvis Presleyren eta The Beatlesen doinuak adibidez; edo jazzean, ‘Satin doll’ eta ‘Little girl’ esaterako, eta halakoak ere txertatu ditugu obra honetan ".


Gehiago irakurri...
 










Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.