Aste Santuko Tailerra
Asteartea, 2018(e)ko martxoa(r)en 27-(e)an 12:20etan


Ipuinak Pop Up teknika erabiliz

Ohikoa den bezala, apirilaren 3tik 6ra, Aste Santuko tailerra egingo dugu Topic-en. Oraingo honetan, pop up teknika erabiliz ipuinak sortuko ditugu. Betiko ipuin ilustratu eta hiru dimentsioetako ipuinen artean kokatzen diren ipuinak dira, zabaldu egiten diren liburu-orriak istorioei bizitza emateko. Tailerra 9:30tik 13:00ra burutuko da eta 6 urtetik gorako haur eta gaztetxoei zuzenduta dago.


 
Bisita dramatizatuak Aste Santuan
Asteazkena, 2018(e)ko martxoa(r)en 21-(e)an 13:14etan

martxoak 24, 25 eta 31 eta apirilak 1ean

 
 
Bisita dramatizatu hauen arrakasta ikusirik, Aste Santuan ere antolatuko ditugu, martxoaren 24an, 25ean eta 31n eta apirilaren 1ean. Martxoak 24 eta 31 egunetan bi emanaldi izango dira ohiko ordutegian eta martxoak 25 eta apirilak 1ean berriz, emanaldi bakarra, gazteleraz, 12:00tik 13:00ra. Gutxienez 5 pertsona eta gehienez 15 pertsonako taldeak osatuko dira. Sarrerek 7 euro balioko dute helduentzat eta 5 euro, 12 urte bitarteko haurrentzat.

Izena emateko, aldez aurretik jarri behar da gurekin harremanetan telefono honen bidez: 943 650 414; edo e-mailez bestela: cit@cittolosa.com.

  
 
Down Sindromearen Nazioarteko Eguna
Asteazkena, 2018(e)ko martxoa(r)en 21-(e)an 11:18etan

Verdini dantza taldearen ikuskizun bat ikus ahal izango dugu

Martxoaren 21ean Down Sindromearen Nazioarteko Eguna ospatzen da eta horregatik, asteburu honetan ikus ahal izango dugun dantza-ikuskizunaren bitartez, ospakizun honi omenaldi bat egin nahi izan diogu. Horrela, larunbata 24an, 18:30etan, Verdini Dantza Taldeak “Método Verdini Metodoa” aurkeztuko du, ordu betez Verdiniren esentzia laburbiltzeko helburua duen proposamen berri batekin. Bidea helmuga bezain garrantzitsua delako, Verdinik aldarrikapena egiten du ikuskizun honekin eta erakusten du nola ongi garatutako gizarteratze lana beharrezkoa den gizarte pluralago batentzat. 
 
TOPIC-eko erakusketa berria inauguratu da
Astelehena, 2018(e)ko martxoa(r)en 19-(e)an 13:28etan

“Búho & Maravillas-en 30 urte” izeneko bilduma jasotzen du

Oraingo honetan, irailaren 9a arte, Topic-en ikus daitekeen erakusketa Búho Teatro eta Teatro Maravillas konpainiei egindako omenaldi-erakusketa bat da, bat egitea erabaki zuten bi konpainia elkarrekin askotan lan egiten zutelako.

Búho & Maravillas oso ezaguna da Tolosan, izan ere estreinatu dituzten ikuskizun ia guztiekin egon baitira. 2008ko Titirijaian “Los Músicos de Brenes” ikuskizunarekin egon ziren; zuzeneko musika eta txotxongiloak batzen dituen ikuskizuna eta epaimahaiak saritu zuena.  

Erakusketa 30 urtetako ibilbidearen laburpen bat da ondorengo ikuskizunetako txotxongilo eta eszenatokiak ikus daitezkelarik: “Retablillo de Don Cristóbal”, “El color de los minerales”, “Yerma”, “El Principito”, “Parodia de un torero”, “Viaje al País de las sombras”, “Iván el Terrible”, “Don Giovanni”, “La ratita presumida”, “Carmen”, “La verdadera historia de Caperucita Roja”, Los músicos de Brenes”, etab.

ERAKUSKETAKO KATALOGOA

 


 

 













Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.