Udazkeneko Eskolaren bigarren aldia
Asteazkena, 2017(e)ko azaroa(r)en 29-(e)an 23:04etan

Joan Baixas MAIXUAren eskutik

Bigarren urtez jarraian, UNIMA Euskal herriak eta Tolosako TOPIC etxeak, Tolosako Titirijai jaialdiarekin bat eginik, Udazkeneko Eskola antolatu dute. Mapamundi Irribarrea, animazio garaikideari buruzko ikastaroa, objektuen, figuren eta irudien gainean, diziplina anitzetako artistei luzatzen zaie bertan parte hartzeko gonbita: aktoreei, dantzariei, artista plastikoei, antzerkigileei.  “Manipulazioa”ri kontrajartzen zaion “animazioa” da. Animatzea anima (arima) ematea da, objektu artistiko bati bizitza ematea hain justu. Modu horretan, objektuari bere memoria eta iradokizunak aitortzen zaizkio, bere oihartzunak eta sinbolismoa hartzen dira aintzat, eta hau da, Joan Baixas, IRAKASLE iaioak  ikastaro honetan irakasten ari zaiguna.


 
Helduentzako ikuskizunek badute beraien txokoa Titirijaien
Igandea, 2017(e)ko azaroa(r)en 26-(e)an 07:47etan

Bihar hasi eta abenduaren 1ean bukatuko dira

Beste urte batzuetan bezalaxe, aurtego Titirijai jaialdiak helduei zuzendutako atal bat aurkeztu du. Astelehenitik ostirala bitartean izango dira, Topic-eko antzokian, 22:00tan. Astelehenean Javier Arandaren "Parias" ikuskizunarekin hasiko gara; asteartean Carles Cañellas-en txanda izango da "Identitats" ikuskizunarekin, asteazkenean Zero en conducta eta  berraien "Brigitteren azken dantza" izango dugu; ostegunean "Besaulkia" Winged Cranes-en eskutik eta ostiralean Joan Baixas "Oh!, là, là, la marionette!" ikuskizunarekin.
Emanaldi bakoitzaren ostean, Topic-eko anbigu aretoan, ikusleek artistekin modu informalean solasean aritzeko aukera izango dute kafetxo bat edo kopa bat hartzen duten bitartean. Atal honi "Charlando con... edo Solasean..." deitu diogu eta bere helburua artista publikoarengana gerturatzea da, bere lanari buruz piska bat gehiago jakin, bere zailtasunak, nola aukeratzen dituzten gaiak, zein teknika erabiltzen dituzten, musika, etab...

 
...bizitzEKO!, Titirijai Jaialdiaren barruan egingo den tailer berezia
Asteartea, 2017(e)ko azaroa(r)en 21-(e)an 19:13etan

Igandea 26an burutuko da, 11:00etan eta dohakoa izango da

Topic-ek Gipuzkoako Foru Aldundiko Ingurumen Sailarekin elkarlanean tailer hau sortu du. Bertan, gizarteak sortzen dituen ondakinen inguruan hausnarketa egingo da eta guztiok arazo honen aurrean jarrera egoki bat izan dezagun lan egingo da, naturan egiten ari garen kalteez jabetu gaitezen. Tailerra dohakoa izango da eta 8 urtez gorako haurrei zuzendua izango da. Topic-en izango da, azaroaren 26an, 11:00tik 12:30ra.

Izena emateko 643 650 414 telefonara deitu edo email bat bidali cit@cittolosa.com helbidera.

Tailerraren hasieran, bideo bat proiketatuko da. Bideo honek gaiaren inguruan hausnartzen eta gehiago jakiten lagunduko digu eta jarraian, sortzen ditugun hondakinekin txotxongilo bat eraikiko dugu.


 
35. Titirijai Jaialdia iritsi da
Asteartea, 2017(e)ko azaroa(r)en 21-(e)an 18:31etan

Aurten 17 ikuskizun ikus ahal izango dira Tolosan, Donostian, Ordizian, Pasaian eta Sestaon

35. Nazioarteko Txotxongilo Jaialdia azaroaren 25etik abenduaren 3ra burutuko da. 5 herrialde (Brasil, Norvegia, Suitza, Italia, Argentina) eta 6 autonomi erkidegotako (Katalunia, Aragoa, Murtzia, Valentzia, Madril, Andaluzia) hamabost konpainiek 17 ikuskizun eskainiko dituzte Tolosan, haur eta helduei zuzenduta. Tolosan ikusteko aukeraz gain, Ordizian, Eibarren, Pasaian, Donostian eta Sestaon ere ikusteko aukera izango da.

Kale ikuskizunez gain, haur eta helduentzako tailerrak ere izango dira.

 










Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.