Topic-eko argazkien epaitza
Asteazkena, 2017(e)ko maiatza(r)en 17-(e)an 10:29etan
Ismene Agirre, Nora Larraza eta Izaro Altuna izan dira sarituak haur, gazte eta helduen mailan

Museoen Nazioarteko Eguna dela eta Topic-ek urtero antolatzen duen argizki lehiaketako sarituak aukeratuak izan dira.

Ismene Agirre, haur kategorian; Nora Larraza, gazteen kategorian eta Izaro Altuna, helduen kategorian dira aurtengo lehiaketako hiru irabazleak. Lehiaketara 74 argazki aurkeztu dira.

Ostegun honetan, maiatzak 18 ospatuko den DIM egunean zehar banatuko dira sariak TOPICen. Abonu kultural ezberdinak antzerki zein zine  ikuskizunetarako eta Topic-eko txotxongilo bat jasoko dituzte sarituek.


Saria haurren kategoria  /  Saria gaztee kategoria  /  Saria helduen kategoria



 
Museoen Nazioarteko Eguna maiatzaren 18tik 21era ospatuko da Topic-en
Ostirala, 2017(e)ko maiatza(r)en 12-(e)an 16:25etan
Ate irekien eguna, mahai-ingurua, erakusketak eta beste jarduera batzuk

Maiatzaren 18tik 21era, Museoen Nazioarteko Eguna ospatuko da Topic-en, hori dela eta ate irekien eguna, mahai-inguruak, erakusketak eta beste zenbait jarduera antolatu dira.

Maiatzaren 18an ate irekien eguna ospatuko da,hori dela eta museoa bisitatu nahi duen edonor dohain sartu ahalko da museora, goizeko hamaiketatik arratsaldeko zazpietara. Arratsaldeko seiretan elefante baten burua irudikatzen duen maskara erraldoiaren aurkezpena egingo da, maskara hau Ttanttaka antzerki konpainiak TOPICi egin dion dohaintza bat da.

Egun berdineko arratsaldeko zazpiretan eukaraz burutuko den mahai-inguruari hasiera emango zaio “Mitora eta errelatoa: kontaezina kontatuz”. Bertan, Juan Aranzadi, Aitzpea Leizaola eta Joseba Zulaika izango dira hizlari, moderatzaile laneta Xanti Eraso izango delarik. Tolosako Bizikidetza Foroak antolatutako jarduera.

Ostiralean, maiatzak 19, iluntzeko bederatzietatik gau erdiko ordubatak arte, ate irekien jardunaldia izango  da. Iluntzeko bederatzietan berriz, Topic-eko Ambigun, Rafa Gorrotxategik eskainitako txokolate txuria dastatzeko aukera izango da. Eta aldi berean Tolosako Musika Eskolako zenbait ikasle eta irakaslek kontzertu ezberdinak eskainiko dituzte museoan zehar.
Gehiago irakurri...
 
Tolosako Bizikidetza Foroak, Topic-en mahai inguru bat antolatu du
Astelehena, 2017(e)ko maiatza(r)en 15-(e)an 09:25etan
Maiatzaren 18an arratsaldeko zazpiretan izango da

Tolosako Bizikidetza Foroak, Museoen Nazioarteko Egunaren harira Topic-ekin elkarlanean antolatu duen “Esanezina esan: mitoa eta errelatoa. Zergatik gertatu zaigu hau guztia?” mahai-ingurura gonbidatu nahi zaitu.

Elkarrekin bizikidetza egokiagoa eraikitzeko bide honetan, gai konplexuen inguruko hausnarketa eta elkarrizketa zintzoak gauzatzeko esparru zabalak ahalbidetzea da
gure helburua. Oraingo honetan, ibilbide pertsonal esanguratsua eta antropologiaren alorrean ezagutza sakon eta zabala duten hiru hizlari izango ditugu.

Juan Aranzadi, Filosofia eta Antropologian doktore, besteak beste “Milenarismo Vasco” (1982) eta “El escudo de Arquíloco” (2001) lanen egilea; Aitzpea Leizaola, Antropologian doktoretza “muga politikoaren eragina Euskal Herrian, identitate eta lurraldetasuna“ gaitzat harturik egin zuen, egun EHUko irakaslea eta Bake Prozesua indartzeko Foro Sozialaren partaidea da, eta Joseba Zulaika, Antropologian doktore eta egun Renoko Unibertsitateko (Nevada) Center for Basque Studies-en Antropologia eta Euskal Kulturako irakaslea. Azken honek streamingez parte hartuko du. Solasaldiaren moderazio lanetan Santi Eraso izango dugu.

 
Anita Maravillas konpainiak 'Pintto, Pintto' lana aurkezten du. Laguntasunari zuzendutako abesti batean bilakatzen den ikuskizuna.
Astelehena, 2017(e)ko maiatza(r)en 08-(e)an 10:43etan
Emanaldia, maiatzaren 12an, Eskola Kanpaina izeneko jardueraren barruan eta ondoren larunbatean ikuslego guztiari irekia izango da.

Pintto galdurik dagoen txakur txiki bat da. Pinttok jolastea atsegin du baina badirudi norbaitek beldur diola eta ez duela berarekin jolastu nahi. Pinttok laguntasuna zein sinplea eta polita den gogorarazten digu.

Anita Maravillas txotxongilo antzerkiarekiko duen maitasunagatik, ezin egonagatik eta honekiko duen bokazioagatik sortutako konpainia da. Bere lehenengo pausoak 2005.urtean eman zituen Pepe Otal-en tailerrean, Raval erdian.

Bertan ezagutu ziren Mirella Larrea (Amorebieta) txotxongilolari trebea, eta Valentina Raposo (Santiago de Chile) aktore eta txotxongiloen antzerki zaletua. Elkarrekin, Anita Maravillas konpainia sortu zuten.
Gehiago irakurri...
 


 












Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.