TOPIC-eko erakusketa berria inauguratu da
Astelehena, 2018(e)ko martxoa(r)en 19-(e)an 13:28etan

“Búho & Maravillas-en 30 urte” izeneko bilduma jasotzen du

Oraingo honetan, irailaren 9a arte, Topic-en ikus daitekeen erakusketa Búho Teatro eta Teatro Maravillas konpainiei egindako omenaldi-erakusketa bat da, bat egitea erabaki zuten bi konpainia elkarrekin askotan lan egiten zutelako.

Búho & Maravillas oso ezaguna da Tolosan, izan ere estreinatu dituzten ikuskizun ia guztiekin egon baitira. 2008ko Titirijaian “Los Músicos de Brenes” ikuskizunarekin egon ziren; zuzeneko musika eta txotxongiloak batzen dituen ikuskizuna eta epaimahaiak saritu zuena.  

Erakusketa 30 urtetako ibilbidearen laburpen bat da ondorengo ikuskizunetako txotxongilo eta eszenatokiak ikus daitezkelarik: “Retablillo de Don Cristóbal”, “El color de los minerales”, “Yerma”, “El Principito”, “Parodia de un torero”, “Viaje al País de las sombras”, “Iván el Terrible”, “Don Giovanni”, “La ratita presumida”, “Carmen”, “La verdadera historia de Caperucita Roja”, Los músicos de Brenes”, etab.

ERAKUSKETAKO KATALOGOA

 
Granadako La Rous konpainiak “Hilos” antzezlana eskainiko du
Asteazkena, 2018(e)ko martxoa(r)en 14-(e)an 09:34etan

Datorren larunbatean, 18:30etan


 

Mundura, amaren zilbor-hestetik lotuta iristen gara eta honek modu berezi batean batzen gaitu gure amarekin. Baina, zer gertatzen da hondoren hari horrekin? Zilbor-hestea jaiotzean moztu egiten digute, baina elkarren artean sortzen den lotura, ikustezina den hari baten antzera bizirik mantentzen da.

Nire amaren istorioaz ari natzaizue, biziz beteriko emakumeaz, hari  batez lotutako hamalau haur erditu zituenaz. Bere seme-alaba eta bere artean sortu zituen hariez eta bakoitzari utzitako ondareaz, ondoren norberak bereak ehundu zitzan.

FETEN 2016en Dramaturgia Onenaren eta Emakumezko Interpretazio Onenaren saria jaso zuena eta V. Andaluziako Antzerkigintzaren Lorca Sarietan, Emakumezko Interpretazio Onenaren saria eta Argiztapen Onenaren saria jaso zuena baita ere. Era berean, La Rous konpainia 2011ko Haur eta Gazteentzako Arte Eszenikoen Sari Nazionalaren jabe da.

IKUSLEGOA: 7 urtetik aurrera

HIZKUNTZA: Gaztelera

IRAUPENA: 60’


Nazioarteko Txotxongilo Eguna dela eta, antzezlana ikusi nahi dutenek, tailer batean parte hartzeko aukera izango dute eta horretarako ikuskizuna+tailerra sarrera konbinatua eskuratzeko aukera izango dute 8 euroren truke.

 
Nazioarteko Txotxongilo Egunaren ospakizuna
Ostirala, 2018(e)ko martxoa(r)en 09-(e)an 11:14etan



Aurten ikuskizuna+tailerra eskainiko da


Datozen ostirala hilak16an eta larunbata hilak 17an Nazioarteko Txotxongilo Eguna ospatuko da Topic-en. Ostiralean, 19:00tan, “30 años de Búho & maravillas” aldiriko erakusketa berriak ateak zabalduko ditu museoko aretoan. 

Larunbatean, hilak 17, 18:30tan, Nazioarteko Txotxongilo Egunari jarraipena emateko aurtengo mezu ofiziala irakurriko da, hain zuzen ere,  Werewere-Liking Gnepo diziplina anitzeko artistak idatzi duena

Jarraian, 18:35tan, Granadako La Rous konpainiak “Hilos” antzezlana eskainiko du. Aurtengo berrikuntza hauxe da: antzezlana ikusi nahi dutenek, tailer batean parte hartzeko aukera izango dute eta horretarako ikuskizuna+tailerra sarrera konbinatua eskuratzeko aukera izango dute 8 euroren truke.

Bukatzeko, 19:30tan,  Cristina Santolaria INAEMeko antzerkiko zuzendari orokor ohiari omenaldia egingo zaio museoan. 
 
Bisita dramatizatuak eta Mintegia
Asteazkena, 2018(e)ko martxoa(r)en 07-(e)an 11:47etan

Biak martxoaren 10ean izango dira

Datorren larunbatean, hilak 10, museoko bisita dramatizatuak izango ditugu ostera Amaia Ruiz de Galarreta aktorearen eskutik. Txotxongiloen etxea ezagutzeko beste modu bat da eta publiko familiarrari zuzendua dago. Ohikoa den bezala bi bisita antolatuko dira, 11:30tan euskaraz eta 12:30etan gazteleraz, eta ordu beteko iraupena izango du bisita bakoitzak. Bisita dramatizatu hauen arrakasta ikusirik, Aste Santuan ere antolatuko ditugu, martxoaren 24an, 25ean eta 31n eta apirilaren 1ean. Martxoak 24 eta 31 egunetan bi emanaldi izango dira ohiko ordutegian eta martxoak 25 eta apirilak 1ean berriz,  emanaldi bakarra, gazteleraz, 12:00tik 13:00ra. Gutxienez 5 pertsona eta gehienez 15 pertsonako taldeak osatuko dira. Sarrerek 7 euro balioko dute helduentzat eta 5 euro, 12 urte bitarteko haurrentzat.

Datorren larunbatean baita ere, “Txotxongiloak: objektu bizidunen unibertso emankorra” izeneko mintegia emango da berriz ere, kasu honetan gazteleraz. Mintegia Topic-eko pedagogia arduraduna den Karmele Kruz-ek emango du eta osasun-langileei, irakasleei, txotxongilolariei, artista plastikoei, etab. zuzenduta dago. Topic-en izango da, 9.30tik 13.00ra.

Bisita gidatuetan zein mintegian izena emateko, aldez aurretik jarri behar da gurekin harremanetan telefono honen bidez: 943 650 414; edo e-mailez bestela: cit@cittolosa.com.

 










Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.