Amaiera ekitaldia omenaldi eta ikuslegoaren sariarekin
Asteartea, 2019(e)ko abendua(r)en 03-(e)an 11:31etan

Saria Mimaia Teatrorentzat izan zen 'Peloloco' lanagatik

37. Titirijai jaialdia ekitaldi hunkigarri batekin amaitu zen. Ekitaldian, omenaldia egin zitzaien 10 urte horietan Topic-ekin modu berezian lan egin izan duten pertsona eta erakundeei.

Ekitaldiaren buru Telmo Irureta aktorea izan zen. Hasieran, Karlos Arguiñano sukaldari mediatikoa agertu zen, txotxongiloekin eta Topic-ekin maiteminduta dagoena. Karlos izan zen omendutako lehena eta jarraian, Nekane Garayalde irakaslea, Angel Calvente txotxongilo-sortzailea, Enkarni Genua eta Manolo Gomez txotxongilo-taldeko txotxongilolariak, eta baita Kutxa Fundazioa, El Diario Vasco, Tolosako Udala, Gipuzkoako Foru Aldundia eta Eusko Jaurlaritza ere.

Itxiera-ekitaldian, Topic-eko ereserki berria entzun zen -David Azurzak eta Enkarni Genuak sortua-, eta aurtengo Txotxongilo Jaialdiko ikuskizun onenaren izena ere eman zen, haurrentzako epaimahai batek ematen duena. Saria 'Mimaia Teatro'rentzat izan da, 'Peloloco' lanagatik. Antzezlan hau Topic-en bertan sortu zen 'sormen-egoitza' emankorretako batean.

 
‘Figurillasko erretaula’ konpainiaren txotxongiloak Topic-i aldi baterako uztea erabaki da
Astelehena, 2019(e)ko abendua(r)en 02-(e)an 11:19etan

Topic-en gorde eta erakutsiko dira

Nafarroako Gobernuak Figurillasko Erretaula txotxongilo-konpainiaren funtsa jaso du dohaintzan, Faro-Coma familiarena, Nafarroako Errege Artxibo Nagusian gordeko den dokumental-zatia, eta 385 txotxongilo eta dokumentalak ez diren beste objektu eszenografiko batzuk osatzen dutena. Foru Gobernuak aldi baterako utzi dizkio TOPIC - Nazioarteko Txotxongilo Zentroari, bertan gorde eta erakusteko.

Txotxongiloak eta beste objektu eszenografiko batzuk, familia funtsaren zati banaezin bezala, Nafarroako Gobernuak TOPICi lau urterako egindako aldi baterako lagapen araubidean kontserbatu, zabaldu eta erakutsiko dira, beste lau urtera luzatzeko aukerarekin. Utzitako objektuek, txotxongiloez gain, Juan Farok egindako dekoratuak, gazteluak (horien artean, 1995eko “Retablillo de Navidad” altzaria nabarmentzen da) eta hainbat tresna dituzte.

Hitzarmenak aldi baterako erakusketa bat egitea aurreikusten du Vianako Printzea Erakundea - Kultura Zuzendaritza Nagusiarekin batera, eta baita Nafarroako Errege Artxibo Nagusiak egingo duen katalogo bat argitaratzea ere.

 
TOPIC bere 10. urteurrena ospatzen hasi da
Asteazkena, 2019(e)ko azaroa(r)en 27-(e)an 11:57etan

Duela 10 urte, 2009ko azaroaren 27an, TOPICek bere ateak ireki zituen.

Hamarkada bat ospatzeko modukoa da, noski! Horregatik, Tolosako Nazioarteko Txotxongilo Zentro honek urte osoan zehar hainbat ekitaldi antolatu ditu, 2019an eta 2020an egingo diren jarduerak. “Ez dugu fausto handien urteurrenik nahi, urteurren hunkigarria nahi dugu, partekatzeko, hausnartzeko, gozatzeko …”, adierazi du Idoya Oteguik, Topic-eko zuzendariak.

Erakusketa berri eta bitxia sortu da, eta erakusketa Topic zentroko balkoietan dago ikusgai. Speeltheater konpainia holandarraren “Amerika Amerika” ikuskizunaren txotxongiloak dira, eta euren jaioterritik alde egin behar izan zuten migratzaile guztiei omenaldi bat egin nahi izan diete, bere garaian “amerika, Amérika” obrako protagonistek egin zuten bezala.

Topic-eko abestia, urteurren honetako beste nobedade bat da. David Azurza konpositoreak eta Enkarni Genua idazleak TOPICerako kantu bat kantu bat idatzi dute, gero eta jende gehiagok eskola-kanpainara edo edozein ikuskizunetara etortzen diren bakoitzean beraiekin izan dezaten. 
Gehiago irakurri...
 
Tolosako Titirijai Jaialdia 37. edizioara iritsi da
Larunbata, 2019(e)ko azaroa(r)en 23-(e)an 19:58etan

Oraingoan urteurren garrantzitsu batekin: 
TOPIC-ek 10 urte beteko ditu

Edizio honetan, familiako, kaleko eta helduentzako ikuskizunak ikusi ahal izango ditugu. Argentina, Danimarka, Italia, Frantzia, Txekia, Katalunia, Euskadi, Madril, Ecija, Sevilla, Salamanca, Murtzia, Logroño eta Zaragozako konpainiak izango ditugu.

Beste urte batzuetan bezala Titirijaik bere ikuskizunekin Eibarrera, Ordiziara, Pasaiara, Sestaora eta Donostiara bidaiatuko du.

Gainera, Titirijaian zehar, Udazkeneko Eskola egingo da azaroaren 25, 26, 27 eta 28an, eta nazioarteko hainbat bilera egingo dira, alde batetik, txotxongiloen Museoen Nazioarteko Sarea eratu eta, bestetik, txotxongilo artista gazteen profesionalizazioa bultzatzeko.

Azaroaren 30a ere jaialdirako egun berezia izango da; izan ere, Haur Epaimahaiaren Saria emateaz gain, txotxongiloaren munduari lagundu eta Topic zentroaren hamar urte hauek posible egin duten hainbat pertsona eta erakunderi omenaldia egingo bait zaie.

 


Topic Plus
Sarrera salmenta


 

Bisita bannerrak


jarraitu Twitter-en




jarraitu Facebook-en


En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.