Caracartón Konpainiak TOPICen antzeztuko du datorrren igandean
Asteartea, 2018(e)ko maiatza(r)en 29-(e)an 17:45etan

"Margarita behiaren aparteko istorioa" antzezlana aurkeztuko dute

2 urtetik aurrerako haurrei zuzendutako ikuskizuna da eta gazteleraz egingo dute. Beraien ikusleak gehienetan haurrak izan arren, konpainia hau "publiko guztientzat" kalifikazioak bere egiazko zentzua har dezan saiatzen da eta horregatik helduak ere gonbidatuta daude.

Margarita behia triste dago, ez delako berezi sentitzen, berak uste du animalia xume bat besterik ez dela. Bere oilo lagunek plan bat prestatu dute Margarita triste egon ez dadin eta bere autoestima berreskuratu dezan. Goiz batean, esnatzean, Margaritak zerbait zorragarriarekin topo egingo du… bere bizitza eta oilategikoa aldatuko duena.

 
BLOK ARTE ESKOLAREN ERAKUSKETA
Asteazkena, 2018(e)ko maiatza(r)en 30-(e)an 15:36etan

Ekainaren 1tik 15era egongo da zabalik

BLOK Arte Eskolako ikasleek ikasturtean zehar egin duten lanen hautaketa bat egingo da aurrena, eta, gero, erakusketa bat antolatuko da horiekin. Erakusketa horrek kolorez eta artez betetzen ditu TOPIC-eko Anbiguko paretak, eta aukera paregabea eskaintzen du, bertatik bertara ikusteko Tolosaldeko haurrek eta gazteek arlo artistikoan egin dituzten aurrerapenak.


            10:00-13:00 eta 16:00-19:00 (astean zehar, astelehenak itxita). 10:00-14:00 eta 15:00-19:00 (asteburu eta jai egunetan)

 
Txotxongilo berria Topic museoan
Asteazkena, 2018(e)ko maiatza(r)en 30-(e)an 09:33etan

Enkarni Genua txotxongilolariak Iparragirre poetaren txotxongilo bat oparitu dio Topic museoari

Topic-eko ohiko kolaboratzailea den Txotxongilo Taldea konpainiak, Jose Mari Iparragirre bertsolari eta poeta urretxuarraren txotxongilo bat oparitu dio Topic museoari. Iparragirre preso egon zen Tolosako euskal Herria plazan zegoen kartzelan, justu gaur egun museoa kokatzen den lekuan.

Enkarni Genua, bere sortzaileak, aspalditik izan du lan hau Topic museoari oparitzeko gogoa. “Tolosako Txotxongiloen museoan lanean eta kolaboratzen dihardugun pertsonen artean, Iparragirrek leku honetan bere txokoa izateko desioa, gogoa eta ikusmina sortu zen; hain zuzen ere bere bizitzako egun latzak bizi izan zituen kartzelan”, dio Genuak.

Abenturazalea eta bidaiaria, Iparragirrek leku askotara eraman zuen bere musika, Amerika barne. Bere inguruan biltzen ziren pertsona askok mirestu egiten zuten baina behin, jendetza aztoratzeagatik salatua, atxilotu eta Tolosako presondegira eraman zuten. Bere ziegan Nere amak baleki konposatu zuen, bere abestirik hunkigarrienetarako bat.

Txotxongiloa Topic museoan dago jadanik eta bere txotxongilo-bildumaren parte da.

 
Topic-eko Argazki Lehiaketako saridunak
Ostirala, 2018(e)ko maiatza(r)en 18-(e)an 19:43etan

Saridunak guztira bost izan dira

Museoen Nazioarteko Egunaren ospakizun-programazioaren baitan, Topic-ek urtero antolatzen duen Argazki Lehiaketako txapeldunei saria banatu zaie gaur. Haurren saileko irabazlea Carolina Freitas izan da eta sail berdinean Ane Aguadok accesita lortu du. Bakoitzak Topic-en programatzen diren txotxongilo ikuskizun baterako bi sarrera jaso ditu.

Gazteen sailean, saria Miren Irati Baldak eraman du eta Topic-eko zuzendari den Idoya Oteguiren eskutik datorren irailean Leidorren hasiko den ziklorako zinema-bono bat eskuratu du. Bukatzeko, helduen sailean, David Lerak eraman du saria eta Naiara Lasartek accesita jaso du. Hauek ere Leidorrerako zinema-bono bat eskuratu dute. Bost txapeldunek, Tolosako Ekinbide Etxeko presidentea den Julian Lacunzaren eskutik txotxongilo bana eskuratu dute baita ere.
 










Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.