2018-2019 Eskola Kanpainia

ESKOLA KANPAINA

Tolosako Topic magiaz beteriko etxea dugu hezkuntza proiektu dibertigarri eta erakargarriz betea non ikasleen garapen, jolas, metafora eta benetazko sormen prozesuak jorratzen diren espazioa. Etxe honetan, guztiontzat lekua dago, bai zuen kabuz bisitan etorri nahi duzuonontzat, baita gurekin txotxongiloen mundu zoragarrian barrena sakonkiago bidaiatu nahi duzuonontzat ere. Azken aukera honekin bat egin nahi duzuon guztioi, ikasturtero antolatzen dugun Eskola Kanapinian parte hartzera gonbidatzen zaituztegu. 

4 urtetik gorako ikasleei eta bereziki lehen hezkuntzako ikasleei eskainia.

Urriaren 26an Topic-eko bederatzigarren Eskola kanpaina abian jarriko da eta aurten bederatzi konpainia ezberdin  izango ditugu gure artean.Lehengo urtean 2500 haur eta 40 ikastetxe izan ziren, eta aurten datu hauek gainditzea espero dugu. 


Ekaina bitartean, bisita bat antolatuko da hilean, eta bisita horretan egun osoa igaroko dute ikasleek Topic-en. Hainbat jarduera egingo dituzte, besteak beste, txotxongilo ikuskizun bat ikusi, txotxongiloak egiteko tailer batean parte hartu eta Zentroko Museoa ezagutuko dute.

Eskola Kanpaina Topic eta txotxongiloen altxorra hobeto ezagutu nahi duten 4 urtetik gorako ikasleei eskainia dago, bereziki lehen hezkuntzako ikasleei. “Bisitaren aurretik eta ondoren, lan dibertigarria bat burutuko dute ikasgelan, eta egun zoragarria igaroko dute gurekin, txotxongiloen munduaz gozatuz eta pixka bat gehiago ikasiz”, azaldu du Topic-eko pedagogiako saileko arduradun den Karmele Cruz-ek.

Jarduera honako atal hauek osatzen dute: lan erraz bat ikasgelan; jardunaldi bat Topic-en, 10.00etatik 15.00etara; ikuskizun bat ikusi eta artistekin hitz egin; txotxongiloak eraikitzeko tailer bat; eta gelan beste jolas bat programari amaiera emateko. “Aurtengo kanpaina honetan, aurreko urtean gertatu zen moduan  aukera laburrago bat eskeintzen da, ikuskizuna ikusi eta museora bisita egiteko aukera, 10.00etatik 12.00etara; edonola ere, beste eskaintza da ikastetxe gehienek hautatzen dutena, osatuagoa eta aberasgarriagoa delako”, azaldu du Karmele Cruz-ek.

Tailerretan txotxongilo bat egiten ikasten dute, baina ez edonola. “Ez dugu ebaki eta itsatsi moduko ariketarik egiten, guretzat garrantzi handikoa da haur bakoitzak bere panpina egitea, sorkuntzarekin lan egiten dugu, eta hori garatzeko aukera ematen diogu. Denei erakusten dizkiegu oinarrizko teknikak, baina bakoitzak bere txotxongiloa egitea nahi dugu. Ez daitezela denak txotxongilo berarekin irten”.

Aurten bederatzi konpainia izango dira parte-hartzaileak:  Engruna Teatro (Kataluinia), Hop Signor (Grezia), Trukitrek (Kataluinia), Merlin Puppet Theater (Grezia-Alemania), La canica (Madril), La Negra (Valentzia), Anita Maravillas (Euskal Herria), Titiriguiri (Madril) eta Tanxarina (Galizia).


ADINA
Ikuskizun bakoitzerako gomendatzen den adina gutxi gorabeherakoa da.

IKUSKIZUNEAN ERABILITAKO HIZKUNTZA
Konpainiak erabiltzen duen hizkuntza errespetatzen da.

JARDUERAREN HIZKUNTZA
Ikastetxeak eskatutako hizkuntzan egingo da, euskaraz edo gazteleraz.

 

Izen -emate orria

Eskola kanpainako egitaraua (pdf)


IZEN-EMATE EPEA IREKITA
      
Prezioak: 10 euro haur bakoitzeko. 6 euro, ikuskizuna+museoa+aldizkako erakusketa aukeratzen bada.
Bidali izen-emate orriak posta arrunta, mail edo fax bitartez:
TOPIC. Euskal Herria Plaza, 1. 20.400 Tolosa (Gipuzkoa)
T. 943650414. Fax. 943 698028
cit@cittolosa.com

 








Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.