Larunbat honetan Zahra Sabri artista iraniarren txotxongiloko erakusketa inauguratuko da

2017ko martxoaren 5a arte 'Yase Tamam' erakusketa irekita egongo da

Topic-en, 2016. urtean egingo den aldi baterako bigarren erakusketa–2017ko martxora arte luzatuko da– txotxongiloen konpainia irandar bati,
Yase Tamam-i, eskainita dago. Zahra Sabri da konpainia horren arima, zuzendaria,gidoilaria eta artista plastikoa.


Erakusketa horrek Iran zer herrialde ederra den erakutsi nahi du, hango txotxongiloen eta “Yase-e-Tamam” konpainiaren bidez (1990ean sortu zen). Txotxongilo-konpainia famatu horrek mundu osoan barrena bidaiatu du, eta sari eta arrakasta asko jaso ditu eman dituen ikuskizunekin –2009an, Pragako Nazioarteko Txotxongiloen Antzerki Jaialdiko 1. saria lortu zuen, esaterako, eta, orain dela gutxi, ohorezko aipamena egin diote Varsovian, Helduentzako Animazio Film eta Txotxongiloen Antzerkiko 10. edizioan, Count to One txotxongilo-ikuskizuna eszeneratzean erakutsi zuen sormenarengatik–.

Zahrak ezagutzen du Tolosa lehendik ere, 2011n TOPIC-en izan baitzen The Earth and the Univers ikuskizunarekin. Obra haren magiak eta poesiak liluraturik utzi gintuen ikustera joan ginen guztiok. Hala ere, ez ginen gu
bakarrik prendaturik geratu Zahraren magiarekin; Zahra bera ere txunditurik geratu zen TOPIC-arekin, eta Irango hari tradizionalez egindako txotxongiloset bat eman zion TOPIC-ari dohaintzan. Txotxongilo horiek TOPIC-en ikusi ahal izan dira Polichinelaren bideak erakusketan.

Zahrak ia hamazazpi urtez lan egin du zuzendari, eszenografo eta txotxongiloen fabrikatzaile eta disenatzaile moduan. Irango txotxongiloen ikuskizun tradizionalean –Kheimeh Shab Bazi izena du– agertzen diren titereak ikusi ahal izango dira erakusketan. Horko heroi printzipalak Mobarak izena du, eta, horrekin batera, beste sei ikuskizunetako txotxongiloak ere ikusteko moduan izango dira, denak ere Teheranen eskuz eginak: “Zortzi Memento”, zortzi ipuin labur, mundu osoko idazle ezezagunek idatziak; Tooti Par, “Loroa eta Merkataria”ren istorioa, Molana (Rumi) irandar poeta famatuarena; “Bernarda Albaren Etxea”, Federico García Lorcarena; “Lurra eta Unibertsoa, Molanarena hori ere –Tolosan obra hau antzeztu zen–; “Kontatu Bat arte” olerkiaren zati bat, Khayyam poeta irandar klasikoarena –XI. eta XII. mendeetan bizi izan zen–, eta “Ama Kuraia eta haren Umeak”, Zahrak zuzendutako azken ikuskizuna.

Erakusketako argazkiak

Erakusketako katalagoa

Zahra Sabri-ren Testua
 












Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.