actualidad
Jarduerez betetako asteburua
Asteartea, 2018(e)ko azaroa(r)en 13-(e)an 18:43etan

Bi ikuskizun, bisita gidatuak eta anaieratze bat

Datorren asteburuan Topic-en bi ikuskizun desberdin erakutsiko dira. Lehendabizikoa larunbatean izango da, 18:30ean, "El Caballero de Olmedo" izenburua darama eta Carpe Diem gaztela-leoneko konpainiaren eskutik ikus ahal izango dugu.  Trapuzko panpin batzuk hezur-haragizko txotxongilotan nola bihurtzen diren kontatuko digute.

Bestalde, igandean, Hop Signor konpainia greziarraren "Giraffe" ikuskizuna ikus ahal izango dugu, 18:30ean baita ere eta 6 urtetik gorako ikusleentzat, larunbateko emanaldia bezalaxe.

Larunbatean baita ere, haur eta familiei zuzendutako bisita gidatu-antzeztuak izango ditugu; 11:30ean euskaraz eta 12:30ean gazteleraz. 



Bukatzeko eta amaiera bikaina emateko, Babarrunaren Festarekin bat eginez, larunbatean 10:00etan, Tolosako Udalean Tolosa eta Charleville-Mézières herri frantziarraren arteko anaieratzea burutuko da, txotxongilotzari esker dagoeneko lagunak zirenak.

Bi herrien arteko loturak, txotxongiloez haratago doazen topaguneak azaleratzea ekarri du: turismoa, industria, komertzioa edo lehendabiziko sektorea.

 
Jarduerez betetako larunbata Topic-en
Asteartea, 2018(e)ko urria(r)en 23-(e)an 19:22etan

Antzeztutako bisita gidatua eta bisita gidatu + ikuskizuna egongo dira

 

Asteburu honetan helduei zuzendutako hirugarren bisita gidatua izango dugu. Egitasmo hau pasa den maiatzaren 18an egin zehen lehendabiziko aldiz, Museoen Nazioarteko Eguna zela eta. Oraingo honetan, larunbata, hilak 27an egingo dira bi emanaldiak: 11:30ean euskaraz eta 12:30ean gazteleraz.

Izena emateko, aldez aurretik gurekin harremanetan jarri behar zarete: telefonoz 943 650 414 edota e-mailez cit@cittolosa.com. Talde bakoitzak 5 lagunekoa izan behar du gutxienez, eta 15ekoa gehienez. Prezioa pertsonako: 7 € 

Bestalde, Europako Ondare Jardunaldien baitan, bisita gidatu bat egongo da baina kasu honetan emakumeek bakarrik gidatutakoa izango da, aurtengo jardunaldien gaia "Emakumeen herentzia" delako. Bisita 17:00etan izango da eta jarraian 18:30ean emakumeek zuzendu eta antzeztutako ikuskizun bat ikus ahal izango da: Kataluniako ENGRUNA Teatroren LOOPS ikuskizuna.

Izena emateko, aldez aurretik gurekin harremanetan jarri behar zarete: telefonoz 943 650 414 edota e-mailez cit@cittolosa.com. Talde bakoitzak 5 lagunekoa izan behar du gutxienez, eta 15ekoa gehienez. Prezioa pertsonako: 10 €

 

 
Familiei zuzendutako bisita gidatu dramatizatuak 2018-2019
Asteazkena, 2017(e)ko iraila(r)en 06-(e)an 12:20etan

Irailetik ekainera, bi bisita hilean.

Iaz bezala 2018-2019 ikasturte honetan TOPIC-ek, publiko familiarrari eskainitako bisita gidatu antzeztuak jarduerarekin jarraituko du. Gure ustez, zentzu handia duen jarduera bat da, batez ere gure Zentroak arte-disziplina jakin batean, antzerkiaren esparruan, diharduelako. Hala, nahi duten bisitariei ibilbidea egiten lagunduko diegu Txotxongiloen Etxean barrena, bisita gidatu antzeztua eginez eta leku magiko hau ezagutara emanez, eta bisitan datozkigunei esperientzia ahaztezina bat eskainiz.

Bisitak hilean behin egingo dira, larunbatetan 11:30etan euskaraz, eta 12:30etan gaztelaniaz; behean adierazita dator egutegia. Ordubete iraungo du bisitaldi bakoitzak. Izena emateko, aldez aurretik gurekin harremanetan jarri behar zarete: telefonoz 943 650 414 edota e-mailez cit@cittolosa.com. Talde bakoitzak 5 lagunekoa izan behar du gutxienez, eta 15ekoa gehienez. Prezioa pertsonako: 7€ helduak / 5€ haurrak.

Gehiago irakurri...
 
Sari berria Topic-entzat
Astelehena, 2018(e)ko urria(r)en 15-(e)an 19:46etan

Zaragozako txotxongiloen parkeak urtero ibilbide bati ematen dion saria

Pasa den asteburuan Topic-ek sari berria jaso zuen: 2018 Saria txotxongiloen antzerkigintzan egindako ibilibideari, Zaragozako txotxongiloen Parkeak ematen duena.

Adolfo Ayuso, historialari, idazle, txotxongilo aktibista eta 20 urte bete dituen Zaragozako « Parque de las Marionetas »-en sortzailea izan zen saria eman zuena Fernando Rivarés, Zaragozako Udaleko kultur zinegotziarekin batera: “2009az geroztik egindako lanagatik eta txotxongilolaritzan erreferente delako mundu osoan”. Saria Idoya Oteguik, Topic-eko zuzendariak jaso zuen.

 










Bisita bannerrak


jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.