Datorren larunbatean, hilak 23, helduei zuzendutako bisita gidatuak izango ditugu berriro. Bertan, modu atsegin eta entretenigarri batean gure museoa ezagutu ahal izango duzue, baita museoko pertsonaia ezberdinak ere. Antzezle bat, museo honetan bizi izan den pertsonaia historiko baten paperean sartuko da, bisitariak ibilbidean zehar gidatuz. Modu honetan eta ordu betez, Topic-era hurbiltzen den edonork museoa eta eraikinaren historia modu berezi batean bizi eta ezagutu ahal izango du.
Bisitak hilean behin egingo dira –larunbatetan 11:30etan euskaraz, eta 12:30etan gazteleraz– eta ordubete iraungo du bisitaldi bakoitzak. Izena emateko, aldez aurretik gurekin harremanetan jarri behar zarete: telefonoz 943 650 414 edota e-mailez cit@cittolosa.com. Talde bakoitzak 5 lagunekoa izan behar du gutxienez, eta 15ekoa gehienez. Prezioa pertsonako: 7 €
TXOTXONGILO ANIMATUAK erakusketa datorren igandea, otsailak 17 arte ikus ahal izango da Topic-en. Lourdes Villagómez eta Coke Riobóo-k komisaro-lanak egin dituzten erakusketa honetan zine, telebista, publizitate eta abarrean erabiltzen den stop motion animazioaren teknikaren begirada eta ibilbidea azaltzen da. Animatzaile garaikide independenteek berriki eginiko lanetan oinarrizten da. Animazioa adierazpen pertsonalerako erreminta gisara erabiltzen duten artisten panpin, dekoratu eta filmak aurkezten zaizkigu. Horien artean ondorengo artistak aurki ditzakegu: Isabel Herguera, Fernando Cortizo, Eduard Puertas, Irene Iborra, Anna Solanas, Marc Riba, César Díaz, Sam Ortí, Virginia Curiá, Tomás Conde, Lula Gómez, Cristina Vilches, Valle Comba, Asis Merino eta Coke Riobóo.
Ton eta Tin aurkezten dizkizuegu, bereiz ezinak diren bi galtzerdi. Tin dagoen tokian Ton dago eta Ton dagoen tokian Tin. Txiki-txikitatik elkarrekin hazi izan dira eta hainbat eta hainbat barre, abentura eta bihurrikeri bizi izan dituzte. Baina egun batean, Ton desagertu egingo da eta Tin bere bila abituko da. Bidai hau sorpresas betea egongo da eta pentsa ezinezkotzat zituen lekuetara eramango dute, bertako biztanle diren galtzerdi, maindire, galtza, fregona, erratz, plantxa…ezagutuz.
Datorren larunbatean, otsailak 16, TOPIC-ek publiko familiarrari eskainitako bisita gidatu antzeztuekin jarraituko du. Gure ustez, zentzu handia duen jarduera bat da, batez ere gure Zentroak arte-disziplina jakin batean, antzerkiaren esparruan, diharduelako. Hala, nahi duten bisitariei ibilbidea egiten lagunduko diegu Txotxongiloen Etxean barrena, bisita gidatu antzeztua eginez eta leku magiko hau ezagutara emanez, eta bisitan datozkigunei esperientzia ahaztezina bat eskainiz.
Bisitak hilean behin egingo dira –larunbatetan 11:30etan euskaraz, eta 12:30etan gaztelaniaz–; goran adierazita dator egutegia. Ordubete iraungo du bisitaldi bakoitzak. Izena emateko, aldez aurretik gurekin harremanetan jarri behar zarete: telefonoz 943 650 414 edota e-mailez cit@cittolosa.com. Talde bakoitzak 5 lagunekoa izan behar du gutxienez, eta 15ekoa gehienez. Prezioa pertsonako: 7 € helduak /5 € haurrak.
Urtero bezala, Martxoaren 21ean, Txotxongiloen Nazioarteko eguna ospatzen da, hori dela eta UNIMAk (Txotxongiloen Nazioarteko Elkartea) egun honetarako mundu guztiko haur zein helduek parte hartuko duten ekintza mundiala antolatu du.
Zertan datza KATUEN DESFILEA deituriko tailerra? Ordu bete iraungo duen tailer honetan bakoitzak bere katu txotxongiloa eraikiko du eta ondoren, tailerrean prestatuta egongo den eszenatokian, eraikitako katu guztien desfile bat egingo da. Desfile hau grabatu eta musika jarriko diogu, ondoren UNIMAra bidali eta hauek mundu guztitik jasotako bideoekin beste bideo bat editatuko dute, Txotxongiloen Nazioarteko Egunean sare sozialetara igo eta eguna ospatzeko.
Desfile birtual erraldoi honetan parte hartu nahi duzu? Ba…izena eman ezazu tailerrean, lagunekin, gurasoekin, bakarka…nahi duzun moduan parte har dezakezu. Otsailaren 2an antolatu dugun tailer honetan bi talde egingo dira: lehenengoa 11etan eta bigarrena 12etan.
Denon artean DESFILE KOLOSALA prestatuko dugu! Animatu!
ADINA: familiarra
IZENA EMATEKO: pedagogia@cittolosa.com _ 943 65 04 14
En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios. Para más información visite nuestra política de cookies aquí.
