Titulo/ Titulo/ Titulo/ Titulo/ Titulo/
Txotxongiloak ikusteko zubi aproposa, Topic zentroan
Astelehena, 2010(e)ko abendua(r)en 06-(e)an 10:36etan

Gaurtik (astelehena) asteazkenera arte, Titirijaiko hiru ikuskizun nabarmen ikusteko aukera izango da


Aurreko igandean amaitu zen Titirijai, baina Tolosan txotxongiloak dira oraindik protagonista; hain zuzen ere, gaurtik hasi (astelehena) eta asteazkenera bitartean, hiru txotxongilo ikuskizun eskainiko dituzte Frantzia, Italia eta Argentinako beste hainbeste taldek. Hiru ikuskizunek Tolosako Nazioarteko Txotxongilo Jaialdian parte hartu dute. Emanaldiak arratsaldeko seietan izango dira.

Frantziako Le Lutin Théâtre d’Images taldeak (argazkian) emango dio hasiera abenduko zubirako antolatutako egitarau laburrari. ‘Ostertzeko lerroa(k)’ da beren obraren izena, eta Titiraji jaialdian estreinatu dute, Topic zentroarekin lankidetzan. Taldeko kide Stéphanie Chirronek dioenez, “ikuskizun honen oinarrian paper gainean eta idazketaren gainean lan egiteko asmoa dago. Zehatzago, marrazkitik idazketarako aldaketa lantzeko asmoa. Pertsonaia batek bere idazmahaiaren intimitatean bizi duen historia kontatzen du, pertsonaiak bere irudimenari nola hegan egiten uzten dion. Marrazkiaren funtsari buruzko ibilbide bat osatzen du, ostertzeko lerro batetik hasita, hari batetik hasita. Eta, pixkanaka, bizitza hartzen du bere barnetik ateratako irudizko pertsonaietan”.

Gehiago irakurri...
 
2010-2011 Eskola Kanpainia
Osteguna, 2010(e)ko urria(r)en 07-(e)an 14:41etan



                                              Zatoz txotxongiloen etxea ezagutzera!

















Tolosako Topic-a majiaz beteriko etxea dugu, hezkuntza proiektu dibertigarri eta erakargarriez betea eta ikasleen garapena, jolas, metafora eta benetazko sormen prozesuetatik jorratuz, Guztiontzat dago lekua etxe honetan, bai zuen kabuz bisitan etorri nahi duzuenontzat,  baita gurekin  txotxongiloen mundu zoragarrian barrena sakonkiago bidaiatu nahi duzuenontzat, eskola kanpainian barne aukera batetan parte hartuz.


Gehiago irakurri...
 
Titirijaiaren 2010 programazioa jarraipena
Astelehena, 2010(e)ko azaroa(r)en 29-(e)an 10:00etan

Tolosako Nazioarteko Txotxongilo Jaialdiak ikasleentzako egitarauari hasiera eman dio, eta bi estreinaldi aurkeztuko ditu


Aurreko asteburuan jasi zen Titirijai 2010 jaialdia, bizitasun handiz, hiru ikuskizunen emanaldiarekin eta Japoniako txotxongiloei eskainitako erakusketaren inaugurazioarekin. Orain, berriz, Tolosara ikastetxeekin bisita egiten duten haurrentzako emanaldien egitarauari ekin dio. Hain zuzen ere, ostiralera bitartean, 41 emanaldi izango dira ikastetxeekin bisitan etorritako haurrentzat. Jaialdiak egunean 1.500 ikusle inguru biltzen ditu sail horretan, baina kontuan hartu beharra dago, askotan, Gipuzkoako zenbait herritatik edo inguruko probintzietatik etorritako haur horiek txotxongilo ikuskizun bat baino gehiago ikusten dituztela Tolosan. Bestalde, jaialdiaren lehen egunotan bi ikuskizunen estreinaldiaz gozatzeko parada emango du Titirijaik.

Gehiago irakurri...
 
Titirijai azken txanpan sartu da, egitarau oparoa lagun
Osteguna, 2010(e)ko abendua(r)en 02-(e)an 11:39etan

Igandera bitartean zortzi ikuskizun izango dira publiko orokorrarentzat eta hamasei ikasleentzat


Tolosako Nazioarteko Txotxongilo Jaialdiari lau egun besterik ez zaizkio gelditzen, baina egitarau oparoa izango du lagun azken txanpan ere: zortzi ikuskizun publiko orokorrarentzat, eta hamasei Tolosara ikastetxeekin etortzen diren ikasleentzat.

Ostegunean, Andaluziako Títeres Caracartón taldeak ‘Azken pirata’ ikuskizuna aurkeztuko du; adin orotako ikusleentzako emanaldia, pirata zahar bat –itsasoan dabilen azkena, agian– protagonista duena. Aurrerago, haurrei gustatzen zaien baina helduak guztiz liluratzen dituen antzezpen baten txanda izango da: ‘Yoshitune eta mila gereziondo loretan’, Otome Bunraku japoniar taldearena. Japoniako txotxongilo antzerki tradizionalaren erakusgarri fin eta zoragarria da; perla ederra, Japoniako txotxongiloetan oinarrituta Titirijaik aurten antolatu duen egitarauaren barruan aurkeztua.

Ostiralean, abenduaren 3an, ospe handiko sariak eskuratu dituen ikuskizun bat izango dugu gurean: ‘Guyi-Guyi’, Periferia Teatro murtziar taldearena. Honako sari hauek eskuratu ditu taldeak, besteak beste: 2010eko Lleidako  Txotxongilo Jaialdikoa, eta Haurrentzako Antzerkiaren Nazioarteko Azokako (FETEN) ikuskizunik onenarena, hori ere aurten. ‘Guyi-Guyi’ ikuskizuna ‘Ahatetxo itsusia’ ipuin ezagunaren bertsio askea da.


Gehiago irakurri...
 
Titirijairen inaugurazioa, japoniar talde baten eskutik
Asteazkena, 2010(e)ko azaroa(r)en 17-(e)an 11:00etan


Tolosako Nazioarteko Txotxongilo Jaialdiari Hachioji Kuruma Ningyok emango dio hasiera, azaroaren 27an, 'Ninin Sambaso eta Datemusume' obrarekin


Jaialdiak Japoniako txotxongiloak izango ditu ardatz aurtengoan, eta zazpi herrialdetako hemeretzi talderen lanak eskainiko ditu abenduaren 5era bitartean

Inaugurazioko ikuskizuna hiru atalek osatua da. Lehen atalak 'Ninin Sambaso' du izena, eta dantza tradizional bat da, uzta ona eta bizitza baketsua izateko otoitzak adierazten dituena. Bigarrena, 'Datemusume', XVIII. mendearen erdialdeko joruri ipuin ospetsuenetako bat da.

Ohichiren kontakizuna da bigarren zatikoa. Ohichi negozio gizon aberats baten alaba da, eta Kichiza samurai gazteaz maiteminduta dago; gazteak bere ohorea frogatu behar du, ordea, bere ezpata galdua aurkituz. Ezpata Edon dagoela jakinik (gaur egun, Tokio), mutila hirian sartzen saiatu da, baina hiriko ateak itxita topatu ditu; hala, Ohichiri deitu dio laguntza eske, eta Ohichik, suteen dorrearen goreneraino igota, larrialdiko deia egin du. Suhiltzaileei atea ireki dietenean, bere maitea ere sartu da hirira. Baina larrialdi dei faltsuak heriotza zigorra dakar. Neska horren jakitun zen lehendik ere, baina bere maitea salbatzearren aurrera egitea erabaki du.

Hirugarren atalean, Bunraku molde honetan txotxongiloak nola erabiltzen diren erakutsiko zaie ikusleei.


Gehiago irakurri...
 










egutegia

<<  Ekaina 2018  >>
 As  As  As  Os  Os  La  Ig 
    
16
27282930 
Bisita bannerrak


ekitaldiak

bideoak

azkena

ikusiena

baloratuena

jaitsiena

argazki bilduma

Loading images
loading
Alemania Argentina Armenia Belgika Benin Brasil Bulgaria Camboya Canadá Txekiar Kolonbia Costa Rica Kuba Dinamarca Frantzia Ghana Estatu Batuak Gran Bretaña Grecia Holanda Hungria India Indonesia Iran Italia Japón Mali Myanmar Moldavia Nigeria Polonia Rumanía Rusia Sri Lanka Taiwan Thailandia Timor Tunis Turquia Ucrania Uruguay Venezuela Txina Guante Txina hilo Txina barila Andaluzia Aragoi Katalunia Madril Valentzia Euskadi Galicia Eugenio Navarro Mariona Masgrau India Guante India Sombras India Hilo India Varilla Indonesia Sombras Indonesia Varilla kontseilu aholkulariekin bisita topic obrara Fotos Exposición Boulevard Exposición 2008-Ventana a Rusia

jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.