|
Asteazkena, 2017(e)ko iraila(r)en 06-(e)an 12:20etan |
11:30ean euskaraz eta 12:30ean gazteleraz
Datorren larunbatean, hilak 19, TOPIC-ek, publiko familiarrari eskainitako bisita gidatu antzeztuak jarduerarekin jarraituko du. Gure ustez, zentzu handia duen jarduera bat da, batez ere gure Zentroak arte-disziplina jakin batean, antzerkiaren esparruan, diharduelako. Hala, nahi duten bisitariei ibilbidea egiten lagunduko diegu Txotxongiloen Etxean barrena, bisita gidatu antzeztua eginez eta leku magiko hau ezagutara emanez, eta bisitan datozkigunei esperientzia ahaztezina bat eskainiz.
Bisitak hilean behin egingo dira, larunbatetan 11:30etan euskaraz, eta 12:30etan gaztelaniaz; behean adierazita dator egutegia. Ordubete iraungo du bisitaldi bakoitzak. Izena emateko, aldez aurretik gurekin harremanetan jarri behar zarete: telefonoz 943 650 414 edota e-mailez cit@cittolosa.com. Talde bakoitzak 5 lagunekoa izan behar du gutxienez, eta 15ekoa gehienez. Prezioa pertsonako: 7€ helduak / 5€ haurrak.
|
|
Gehiago irakurri...
|
|
Astelehena, 2019(e)ko urtarrila(r)en 14-(e)an 13:09etan |
 Dona eta Merma
Pasa den azarotik datorren otsailaren 3ra bitartean, Bartzelonako Caixa Forum-eko auditorioan, Topic-eko bi txotxongilo ezagunenak diren Dona eta Merma ikus daitezke, biak Jon Miró artista ezagunak margotuak.
Erakusketak “El enemigo vive en el sofá” izena darama eta Teatro La Claca-ren bihotza izan zen Joan Baixasen txotxongilo eta mundu eszeniko bereziari hurbilketa egiten dio. Bere garaian, Dona eta Mermak, aipatu konpainiaren “Mori el Merma” ikuskizunean parte hartu zuten.
Erakusketa honek Joan Baixas eta La Clacaren izpiritua jasotzen du, hainbeste kale umiletan, plaza zoragarrietan, antzoki txiki zein handietan, horrenbeste herrialdetan, hainbeste kultura eta ezagututako pertsonen aniztasunetatik jasotako eta bizitako esperientzietatik sortutako emaitza.
Instalakuntzan Joan Baixasen eta bere kolaboratzaileen ekoizpen eszeniko eta bisualaren jatorrizko materialak erakusten dira: panpinak, margoak, bideoak, kartelak, argazkiak, etab…
|
|
Igandea, 2019(e)ko urtarrila(r)en 06-(e)an 22:30etan |
 Eskerrik asko!
Topic-en izenean, Gabonetan antolatzen dugun kanpaina solidarioan parte hartu duten familia guztiak eskertu nahi ditugu.
Familia hauek, Tolosako Udal Musika Eskola eta Txotxongilo Taldea ere eskertu nahiko genituzke, beharrak dituzten familia horiei babesa emateagatik, famili artean igarotzen ditugun egun berezi hauetan. Datorren urtea arte!
|
|
Asteartea, 2018(e)ko abendua(r)en 18-(e)an 13:29etan |
 Aurten kontzertu bat, txotxongilo emanaldi bat eta stop-motion tailerra izango ditugu
Urtero bezala, Topic-ek familia eta etxeko txikienei zuzendutako jarduerak antolatuko ditu datozen gabonetan, krisiagatik oraindik gaizki pasatzen ari diren familiekin dugun elkartasuna ahaztu gabe.
‘Topic Solidarioa’k Tolosako Udal Musika Eskola eta Txotxongillo konpainiaren laguntza jasoko du berriro. Tolosako Musika Eskolako irakasle eta ikasleek abenduaren 21ean emango duten kontzertura edota urtarrilaren 4an egongo den ikuskizunera etorriko diren ikusleek sarrera janari ez galkorraren truke eskuratu ahal izango dute. Jasotzen den janari guztia Tolosako Caritasi emango zaio behar gehien duten pertsonen artean bana dezaten.
Kontzertua eta Txotxongillok egingo duen ‘Zergatik bizi da basoan txanogorritxuren amona?’ emanaldia 4 urtetik gorako haurrei zuzenduta daude eta Topic-eko antzokian izango dira 18.30ean.
Gabonetan baita ere, 6 urtetik gorako haurrei zuzendutako Stop-Motion tailer bat egongo da abenduaren 26, 27, 28 eta 29an, 9.30tik 13.00ra eta 30 €ko balioa izango du. Tailer honetan stop-motion teknika irakatsi eta erabiliko da. Teknika honek geldirik dauden objektuen mugimendua erakusten du, objektuei egindako irudi multzo baten bitartez. Parte hartzeko 943650414 telefonora deitu. mesedez. |
|
Asteazkena, 2017(e)ko iraila(r)en 06-(e)an 12:20etan |
11:30ean euskaraz eta 12:30ean gazteleraz
Asteburu honetan helduei zuzendutako hirugarren bisita gidatua izango dugu. Egitasmo hau pasa den maiatzaren 18an egin zehen lehendabiziko aldiz, Museoen Nazioarteko Eguna zela eta. Oraingo honetan, larunbata, hilak 27an egingo dira bi emanaldiak: 11:30ean euskaraz eta 12:30ean gazteleraz.
Izena emateko, aldez aurretik gurekin harremanetan jarri behar zarete: telefonoz 943 650 414 edota e-mailez cit@cittolosa.com. Talde bakoitzak 5 lagunekoa izan behar du gutxienez, eta 15ekoa gehienez. Prezioa pertsonako: 7 €
|
|
Gehiago irakurri...
|
|
|
