Antzezlana maiatzaren 4an egingo da estreineko aldiz Topic-eko antzokian, 20:30etan
Duela hilabete pare batetik hona, Topic-en sormen egonaldi bat izaten ari da. Oraingo honetan, Donostia Antzerki Saria jaso berri duen Xake Produkzioak konpainia ari da, "Lur" izenburua eramango duen lan berrian murgilduta.
Kepa Errastik idatzia eta Getari Etxegarairen zuzendaritzapean, "Lur" antzezlanak Aneren istorioa kontatzen digu, aluarekin jaio den mutil baten istorioa da eta baldintza honek bere inguruan sortzen dituen gatazka sozialak kontatzen dizkigu. Anek ordea ez du barne gatazkarik bere gorputzarekin harmonian bizi delako.
Talde artistikoa Erika Olaizola, Mikel Laskurain, Kepa Errasti eta Nerea Gorritik osatzen dute. Antzezlanak 60 minutuko iraupena izango du eta maiatzaren 4an egingo da estreineko aldiz Topic-eko antzokian, 20:30etan.
“Bazen behin hazi bat. Bere barnean ixiltasuna besterik ez zegoen. Denbora luzez lo egon zen, baina egun batean haundi egitearen beharra sentitu zuen, orduan bera inguratzen zuen oskola hautsi eta bere barnetik haur neskatila bat sortu zen”.
Ikuskizunak hazi berezi baten istorioa kontatzen digu, zurbeltz batetik jaiotako neskatila batena. Kio izeneko basozain batek Bruto bere txakurrarekin abioneta batean bidaiatzen du, hazia zainduz, baina basoko izakirik ez da gizakiaren mehatxutik kanpo geratzen: zuhaitzen mozketa neurrigabea, hondakin kutsatzaileak eta sortutako zakarretatik esaterako.
Egun batean, makal bat sortu zen bere alboan eta pixkanaka-pixkanaka lagun onak egin ziren. Denbora pasa zen eta basoa bisitatu zuten pertsona batzuk ikaragarrizko sua eragin zuten. Neskatila bakarrik geratu zen, bere lagun makalik gabe. Orain haziak bilatu beharko ditu basoberritzeko, bere laguna berreskuratzeko itxaropenarekin.
IKUSLEGOA: 7 urtetik aurrera HIZKUNTZA: Gaztelera IRAUPENA: 50’
Ikuskizun honek Haurrentzako eta Familientzako Ikuskizun Onenaren Andaluziar Antzerkigintzaren Lorca Saria jaso berri du
2018ko Museoen Nazioarteko Eguna dela eta, Topic-ek argazki lehiaketa bat antolatu du txotxongiloak, museoa edota argazkilaritza orokorrean maite dutenentzat.
Bakarka, lagun artean edota familian, parte hartzaileak gonbidatuta daude TOPICi buruzko argazkiak ateratzera: museoaren barruan, Zentroaren plano orokorrak, txotxongilo zehatz batzuk. Tolosako epaimahai profesional batek aukeratuko ditu argazkiak. Hiru kategoria ezberdin egongo dira, parte hartzaileen adinaren arabera: 6tik 12 urte bitarte (haur kategoria), 13tik 18 urte bitarte (gazteen kategoria) eta 18tik aurrera (helduen kategoria).
Ekintza hau ekaina bitartean burutuko da, hilean behin
Larunbat honetan, maiatzak 14, Topic-ek ekintza berezi bat antolatuko du, museoan bertan egingo diren bi bisita gidatu eta dramatizatuak. Amaia Ruiz de Galarreta aktorearen eskutik museoa ezagutuko duzue. Bisitariek modu berezi batean sentituko dute Txotxongiloen Etxearen espazio majikoa, ibilbidea esperientzia ahaztezin batean bihurtuko delarik.
Txotxongillo konpainiako Enkarni Genua txotxongilolari eta idazleak asmatua, aktoreak pertsonaia harrigarri eta ezusteko baten papera antzeztuko du. Famili giroan gozatzeko pentsatu den Topic-eko ekintza berri hau, hilean behin burutuko da, larunbatetan 11:30etan euskaraz eta 12:30etan gazteleraz, ordu beteko iraupenarekin.
Izena emateko, ezinbestekoa izango da lekua aurretik gordetzea ondorengo telefonora deituta: 943 650 414; edo e-mail bitartez: cit@cittolosa.com . Taldeek gutxienez 5 pertsona eta gehienez 15 pertsona izango dituzte. Pertsona bakoitzeko salneurria 7 € izango da helduentzat eta 5 €, 12 urte bitarteko haurrentzat. Bisita dramatizatuak ekaina bitartean izango dira.
Ohikoa den bezala, apirilaren 3tik 6ra, Aste Santuko tailerra egingo dugu Topic-en. Oraingo honetan, pop up teknika erabiliz ipuinak sortuko ditugu. Betiko ipuin ilustratu eta hiru dimentsioetako ipuinen artean kokatzen diren ipuinak dira, zabaldu egiten diren liburu-orriak istorioei bizitza emateko. Tailerra 9:30tik 13:00ra burutuko da eta 6 urtetik gorako haur eta gaztetxoei zuzenduta dago.
En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios. Para más información visite nuestra política de cookies aquí.
