Titulo/ Titulo/ Titulo/ Titulo/ Titulo/
Teatro Gorakada ‘Pinotxo’ izeneko lan berria prestatzen ari da Topic-eko egoitzan
Astelehena, 2019(e)ko uztaila(r)en 15-(e)an 12:42etan

Ikuskizuna Titirijai Jaialdian aurkeztuko da azaroan

Teatro Gorakada 1989an hasi zen haurrentzako antzezlanak sortzen, ipuin klasikoetatik abiatuta. Txotxongilo eta aktoreen arteko lana uztartu dituzte ikuskizun guztietan.

Egun hauetan zehar, konpainia bizkaitarra Tolosan egoitza duen Topic zentroan ari da sormen egonaldia egiten, beraien ikuskizun berria izango den ‘Pinotxo’-ren xehetasun guztiak orrazten. “Hemen, egonaldian, testua sortzen ari gara, irudia eta ikuskizunaren antzerkigintza-alderdi osoa eta baita aktore eta keinu bidezko estetika ere”, dio Alex Diaz-ek, konpainiako zuzendari artistikoak.

“Hutsetik abiatzen gara, guk ‘laborategia’ deitzen diogun une batean gaude, eta horretarako egonaldia beharrezkoa da. Antzerki-ideia batetik gatoz baina gero bertan behera uzten dugu, aktorearen lekutik aurre egiteko modua bilatzen dugulako. Elementuak zati garrantzitsu bat osatzen duten prozesu bat da”, gehitzen du Díaz-ek.

Topic-ek, hasiera-hasieratik bere instalakuntzak eskuragarri jarri dizkie konpainiei sormen egonaldiak egiteko aukera eskainiz. Hau da, bertan bizitzeko aukera eskaini, zentroko baliabideak (aurre muntaia gela edo antzokia) erabiliz ikuskizunak sortzeko. “Hasieratik oso garbi genuen gauza bat da. Duela 30 urte, Topic egitasmo bat bakarrik ez zenean, txotxongiloen beharretara egongo zen espazio baten beharra ikusten genuen, konpainiek espazio horretan bizi eta ikuskizunak sortu ahal izateko”, baieztatzen du, Idoya Otegui-k, Topic-eko zuzendariak.

Gehiago irakurri...
 
Topic-ek TOPIC+ egitasmoa aurkeztu du
Ostirala, 2019(e)ko uztaila(r)en 12-(e)an 12:18etan

On line bidezko hezkuntza-egitasmo berri bat


Pasa den asteazkenean TOPIC+ izeneko egitasmoa aurkeztu zuen Karmele Cruz, Topic-eko pedagogia arduradunak, Madrilgo Mataderon Factoría Cultural / Vivero de Industrias Creativas-ek antolatutako #EmprendeEscena2019 jardunaldien amaieran.

Azken hilabete hauten gauzatu den egitasmoa da TOPIC+ eta laster izango duzue on line bidez jaso ahal izango den hezkuntza egitasmo honen berri gehiago.
 
Quebec-eko kultur ordezkaritza batek Topic bisitatu du
Asteartea, 2019(e)ko uztaila(r)en 09-(e)an 17:05etan

Euskal Herriko hiru hiriburuetan egin den Euskadi-Quebec-eko Kultur Topaketaren barruan

Quebeceko ordezkaritza batek Euskadi bisitatu du pasa den astean Euskal Herriko hiru hiriburuetan egin diren kultur topaketetan parte hartzeko helburuarekin.

Hizkuntza, 
kultura eta sormen-esparruko 19 entitateetako ordezkariek, 60 euskal eragilek baino gehiagorekin batera, Quebec-en eta Euskadiren arteko harremanak estutzea helburu duen ekimen honetan parte hartzen dute, eta 2020an Quebec-en euskal kultur denboraldi bat antolatzeko lehen urratsak ematea du helburu.

Topaketa honen programaren barruan egin den bisitetako bat Topic izan da. Kultura munduko hainbat kanadar ordezkariek Txotxongiloen Nazioarteko Zentroaren instalazioak bisitatu zituzten, diziplina artistiko honekiko interesa erakutsiz. Izan ere, bisitari ofizialen artean, Saguenayko Festival International des Arts de la Marionnette jaialdiko zuzendaria zegoen, eta Idoya Otegui Topic-eko zuzendariak, gonbidatu bezala bisitatuko du uztaila amaieran aipatutako jaialdia.

 
Larunbat honetan antzeztutako bi bisita gidatu antolatuko ditu Topic-ek
Osteguna, 2019(e)ko ekaina(r)en 06-(e)an 00:00etan

11:30ean euskaraz eta 12:30ean gazteleraz

Datorren larunbatean, ekainak 8, TOPIC-ek publiko familiarrari eskainitako azken bisita gidatu antzeztua eskainiko du. Gure ustez, zentzu handia duen jarduera bat da, batez ere gure Zentroak arte-disziplina jakin batean, antzerkiaren esparruan, diharduelako. Hala, nahi duten bisitariei ibilbidea egiten lagunduko diegu Txotxongiloen Etxean barrena, bisita gidatu antzeztua eginez eta leku magiko hau ezagutara emanez, eta bisitan datozkigunei esperientzia ahaztezina bat eskainiz.

Bisitak hilean behin egin dira –larunbatetan 11:30etan euskaraz, eta 12:30etan gaztelaniaz- eta ordubete iraungo du bisitaldi bakoitzak. Izena emateko, aldez aurretik gurekin harremanetan jarri behar zarete: telefonoz 943 650 414 edota e-mailez cit@cittolosa.com. Talde bakoitzak 5 lagunekoa izan behar du gutxienez, eta 15ekoa gehienez. Prezioa pertsonako: 7 € helduak /5 € haurrak.

Aurretiko erreserbarekin, bisita antzeztua nahieran egiteko aukera ere badago (taldeak: 100€ - gehienez 15 pertsona).

 
Tanxarina konpainiak La Gallina Azul ikuskizuna aurkeztuko du
Asteartea, 2019(e)ko maiatza(r)en 28-(e)an 12:47etan

Igande honetan, 18:30ean

Ikusi al duzue inoiz eskuineko hegoan 5 luma gorri dituen oilo urdinik? Ezzzzzzzzz…ba ezin duzue Lourenzo oiloaren istorioa galdu. Oilo urdin honek bost luma gorri izateaz gain, koloretazko arrautzak jartzen baititu. Ez duzuela sinisten? Ba…gehiago esango dizuet, oilo honek KAKARAKA! esan ordez, KOKOROKO! esaten baitu. Eta ez pentsa, ezberdina izateagatik triste sentitzen denik… ez, ez…ezta gutxiagorik ere.

Ezagutu nahi al duzue oilo bitxi hau? Ba, gerturatu zaitezte, zuen zain izango da eta.

GOMENDATUTAKO ADINA: 4 urtetik gora 
HIZKUNTZA: Gaztelera
IRAUPENA: 50’

 

 





 

egutegia

<<  Apirila 2019  >>
 As  As  As  Os  Os  La  Ig 
  1  2  3  4  5  7
  8  91011121314
15161718192021
22232425262728
2930     
Bisita bannerrak


bideoak

azkena

ikusiena

baloratuena

jaitsiena

argazki bilduma

Loading images
loading
Alemania Argentina Armenia Belgika Benin Brasil Bulgaria Camboya Canadá Txekiar Kolonbia Costa Rica Kuba Dinamarca Filipinas Frantzia Ghana Estatu Batuak Gran Bretaña Grecia Holanda Hungria India Indonesia Iran Italia Japón Mali Myanmar Moldavia Nigeria Polonia Rumanía Rusia Sri Lanka Taiwan Thailandia Timor Tunis Turquia Ucrania Uruguay Venezuela Txina Guante Txina hilo Txina barila Andaluzia Aragoi Katalunia Madril Valentzia Euskadi Galicia Eugenio Navarro Mariona Masgrau India Guante India Sombras India Hilo India Varilla Indonesia Sombras Indonesia Varilla kontseilu aholkulariekin bisita topic obrara Fotos Exposición Boulevard Exposición 2008-Ventana a Rusia

jarraitu Facebook-en


jarraitu Twitter-en




En ToPic Tolosa utilizamos cookies para mejorar la experiencia de los usuarios, facilitando la navegación por nuestra web. Estamos haciendo todo lo posible por facilitar el uso de dichas cookies, así como su gestión y control al utilizar nuestros servicios.
Para más información visite nuestra política de cookies aquí.